Kulturë

Heronjtë e punës nga Serbia demaskojnë industrinë e ndërtimit

Skenë nga filmi “Working Class Heroes”

Të drejtat e punëtorëve janë kryefjalë e “Working Class Heroes”, filmi i vetëm nga Serbia, në garën zyrtare të “PriFestit” të sivjetmë. E shoqëron shikuesin në kthesa të shumta dramaturgjike, që nga thellësia emocionale deri te skenat brutale në të cilat punëtorët lëndohen qëllimisht si rrugë për të marrë mëditje e ditë pushimi.

 

Ngjarja e “Working Class Heroes”, i vetmi film nga Serbia konkurrent në “PriFest”, zhvillohet në një qytet serb, por lehtësisht mund të zhvendoset edhe në Kosovë. Pushteti i oligarkëve, dallaveret me punëtorë, masat formale mbrojtëse, shkelja e të drejtave, fshehja e krimit, thuren nëpërmjet këtyre heronjve që demaskojnë anën e errët të industrisë së ndërtimit. Këtë e bën edhe nëpërmjet elementeve të komedisë

Të drejtat e punëtorëve janë kryefjalë e “Working Class Heroes”, filmi i vetëm nga Serbia, në garën zyrtare të “PriFestit” të sivjetmë. E shoqëron shikuesin në kthesa të shumta dramaturgjike, që nga thellësia emocionale deri te skenat brutale në të cilat punëtorët lëndohen qëllimisht si rrugë për të marrë mëditje e ditë pushimi.

Filmi i regjisorit serb Millosh Pushiq është një shfaqje e ndërlikuar dhe plot kontraste, e cila shpërfaq gjendjen e rëndë të punëtorëve edhe me elemente të komedisë.