Kulturë

“Vizatimet n’letër” hap ditarët e artistes për rrëfimin intim

Vizitorët i përjetojnë vizatimet e Nurhan Qehajës si mundësi për të vështruar fletoret e saj në tavolina ekspozuese, e pastaj në kornizat në mur

Pikënisje janë shënimet në ditarë. E nëpërmjet tyre Nurhan Qehaja ka vendosur ta krijojë rrëfimin artistik për ta ndarë atë me publikun. “Ka qenë proces i imi që çdoherë e kam bërë, janë ditarët që i kam bërë prej fillimit”, ka thënë Qehaja

 

Pikënisje janë shënimet në ditarë. E nëpërmjet tyre Nurhan Qehaja ka vendosur ta krijojë rrëfimin artistik për ta ndarë atë me publikun. “Ka qenë proces i imi që çdoherë e kam bërë, janë ditarët që i kam bërë prej fillimit”, ka thënë Qehaja

Vizatimet që ndër vite i ka realizuar në ditarët e saj personalë, artistja Nurhan Qehaja i ka kthyer në version të veprave në kornizë. “Vizatimet n’letër” është titulli i ekspozitës së hapur në Galerinë e Ministrisë së Kulturës.

Grumbulli i njerëzve është parë e bisedat e tyre janë dëgjuar që nga larg hapësirave të Galerisë, të mërkurën mbrëma. Arsyeja ka qenë ekspozita e kuruar nga Majlinda Hoxha.