Kulturë

“Burrat” nga Portugalia me rutinën e grave që kërkojnë lirinë

Përpjekja e gruas për të qenë e lirë nga çdo gjë dhe për ta jetuar jetën ashtu siç do vetë, ishte tema e shfaqjes teatrale “Burrat”, e cila erdhi të shtunën në edicionin e sivjetmë të “FemArt” si një pasqyrim paralel i filmit “Husbands” të regjisorit John Cassavetes (Foto: Rilind Beqa)

Ende pa filluar shfaqja publiku mund të dëgjonte zëra që vinin nga aktoret që ushtronin para se të dilnin në skenë.

 

Ende pa filluar shfaqja publiku mund të dëgjonte zëra që vinin nga aktoret që ushtronin para se të dilnin në skenë.

Shfaqja nisi me disa video të cilat transmetoheshin përmes projektorit në perden e mëndafshtë, ku ende nuk ishte hapur skena teatrore. Më pas, ende pa u ngritur perdja, para pamjeve të projektorit dolën tri aktoret të veshura krejt në të zeza. Nga Portugalia në Kosovë, Leonor Cabral, Carolina Figueiredo dhe Joana Cotrim qenë të pranishme së bashku me regjisorin Pedro Alves, për të luajtur shfaqjen “Burrat”.