Kulturë

“Tori and Lokita” me Alban Ukajn çmohet si rrëfim i fuqishëm për të sotmen

Alban Ukaj (djathtas) me një pjesë të ekipit të “Tori and Lokita”, të mërkurën në ambientet e edicionit të 75-të të Festivalit të Filmit në Cannes (Foto: AP)

Premiera botërore e filmit “Tori and Lokita”, ku luan aktori nga Kosova, Alban Ukaj, ka marrë vëmendje botërore. Mediat prestigjioze që mbulojnë kinematografinë kanë raportuar për premierën e së martës në Festivalin e Cannes e po ashtu kanë publikuar edhe kritika. Dominojnë shkrimet për stilin e vëllezërve Dardenne sa i përket trajtimit të dramave sociale.

 

Një ditë pas premierës botërore, ekipi i filmit “Tori and Lokita” ka qenë sërish në qendër të vëmendjes në Cannes, teksa janë zbërthyer detaje nga filmi. Aktori nga Kosova, Alban Ukaj, ka çmuar punën me dyshen Jean-Pierre dhe Luc Dardenne e filmi i tyre tashmë ka pushtuar kritikat botërore. Ndër të tjera vlerësohet si rrëfim i fuqishëm për të sotmen, nëpërmjet të cilit kundrohet e ardhmja

Premiera botërore e filmit “Tori and Lokita”, ku luan aktori nga Kosova, Alban Ukaj, ka marrë vëmendje botërore. Mediat prestigjioze që mbulojnë kinematografinë kanë raportuar për premierën e së martës në Festivalin e Cannes e po ashtu kanë publikuar edhe kritika. Dominojnë shkrimet për stilin e vëllezërve Dardenne sa i përket trajtimit të dramave sociale.

Sqarime goxha të gjata për procesin e punës, duke nisur nga ideja fillestare për projektin, kanë dhënë edhe Jean-Pierre dhe Luc Dardenne të mërkurën në një konferencë për media në Cannes. Bashkë me një pjesë të ekipit, përfshirë aktorin nga Kosova, Alban Ukaj, ata u janë përgjigjur pyetjeve të gazetarëve për rreth gjysmë orë para se të pozojnë prapë në ambientet e edicionit të 75-të të festivalit.