Kulturë

“7 Ninulla, 7 Ditë të Javës” në ruajtje të këngës tradicionale

Në promovimin e mbajtur në pasditen e së premtes në mjediset e “Paper Gallery” në kryeqytet, libri “7 Ninulla, 7 Ditë të Javës” i Besa Berberit, është vlerësuar si një gur më tepër në themelin e studimit të trashëgimisë shpirtërore shqiptare

T’i kushtohesh trashëgimisë nuk është adhurim i hirit, por ruajtje e zjarrit. Kjo maksimë frymëzuese ka shërbyer si një siguri shtesë për profesoreshën, Besa Berberi që të vijonte tutje punën mes copëzash të thesaurusit të këngës popullore. Janë ninullat, një monolog botëpasur i nënës kushtuar fëmijës, ato që kanë bërë vend në punishten studiuese të Besa Berberit.

 

Ndjeshmëria e këngëve të djepit, ninullave, është e tillë që e tejkalon edhe poezinë lirike përmes thjeshtësisë së fjalëve. Por detyra e dorës së studiuesit nuk është vetëm mbledhja e tyre, por edhe zbërthimi i bukurisë së tyre përmes tekstesh, notave e shpjegimeve. Fryt i një pasioni që filloi qysh më 2005, libri “7 Ninulla, 7 Ditë të Javës” i profesoreshës së solo-këndimit, Besa Berberi, sjell xhevahiret e krijimtarisë shpirtërore shqiptare. “Ninullat nga të gjitha format e tjera të këngës popullore kanë pësuar më së paku ndikime të jashtme”, ka thënë Berberi me rastin e përurimit të librit

T’i kushtohesh trashëgimisë nuk është adhurim i hirit, por ruajtje e zjarrit. Kjo maksimë frymëzuese ka shërbyer si një siguri shtesë për profesoreshën, Besa Berberi që të vijonte tutje punën mes copëzash të thesaurusit të këngës popullore. Janë ninullat, një monolog botëpasur i nënës kushtuar fëmijës, ato që kanë bërë vend në punishten studiuese të Besa Berberit.

Kjo krijimtari shpirti tashmë nuk pezullon në erë, por vjen edhe si libër.