Kulturë

PDK-ja akuzon pushtetin e VV-së për mungesë rezultatesh në rivitalizimin e rrugës “Marin Barleti”

PDK-ja akuzon pushtetin e VV-së për mungesë rezultatesh në rivitalizimin e rrugës “Marin Barleti”

Drejtuesit e Degës së PDK-së në Prizren kanë akuzuar pushtetin lokal, si dhe atë qendror për mungesë rezultatesh sa i përket projektit për rivitalizimin e rrugës “Marin Barleti” në qendrën historike të qytetit. Sipas PDK-së, pas rastit tragjik në këtë rrugë, që kishte ndodhur në qershor të vitit 2016, ku si pasojë e shembjes së një pjese të murit dhe kulmit të një shtëpie të vjetër kishte vdekur vajza trevjeçare, Xheneta Gashi, ka pasur protesta e thirrje për përgjegjësi, ndërkohë që sot nga pushtetarët aktualë nuk ka veprime konkrete për këtë pjesë të qytetit.

 

Drejtuesit e Degës së PDK-së në Prizren kanë akuzuar pushtetin lokal, si dhe atë qendror për mungesë rezultatesh sa i përket projektit për rivitalizimin e rrugës “Marin Barleti” në qendrën historike të qytetit. Sipas PDK-së, pas rastit tragjik në këtë rrugë, që kishte ndodhur në qershor të vitit 2016, ku si pasojë e shembjes së një pjese të murit dhe kulmit të një shtëpie të vjetër kishte vdekur vajza trevjeçare, Xheneta Gashi, ka pasur protesta e thirrje për përgjegjësi, ndërkohë që sot nga pushtetarët aktualë nuk ka veprime konkrete për këtë pjesë të qytetit.

“Sot jemi mbledhur këtu për të përkujtuar një rast tragjik, i cili ka ndodhur në vitin 2016, në qershor, kur një vajzë e re, Xheneta, e ka humbur jetën. Asokohe ka pasur protesta të shoqërisë civile në Prizren, të organizuara nga opozita e asaj kohe. Kanë qenë shumë të zëshme, kanë qenë shumë të ashpra, dhe kanë kërkuar përgjegjësi, kanë kërkuar llogari, aq sa kanë kërkuar edhe dorëheqjen e ish-kryetarit të Komunës, si pasojë e rastit tragjik, duke aluduar se përgjegjësia ka qenë direkte. Ne jemi sot këtu që të përkujtojmë se i kemi diku 4 vjet prejse ka ndërruar pushteti dhe 5 vjet prejse ka ndodhur rasti, ndërsa të gjithë ata që asokohe bënin zhurmë tani janë në pushtet edhe me gjithë faktin që në atë kohë kanë kërkuar llogari nga pushteti lokal vetë prejse janë në pushtet, fare nuk janë marrë me rastin”, ka thënë kryetari i Degës së PDK-së, Shaqir Totaj, gjatë një konference për media të mbajtur në këtë rrugë.