Kulturë

Tri sonata beethoveniane edhe në Prishtinë si shpresë për të ardhmen

Prishtinës i ka takuar nderi që të jetë e para nga 32 qytetet që pianisti nga Vjena, Stephan Möller, të sjellë sonatat klasike. “Në këto sonata ngërthehet krejt spektri i ndjenjave njerëzore që nga dëshpërimi më i thellë e deri te humori realist”, ka thënë virtuozi i njohur në performancën e mbajtur mbrëmjen e së hënës në kuadër të edicionit të sivjetmë të “Chopin Piano Fest”

Prishtinës mund t’i buzëqesh ndonjëherë fati më bukur se qyteteve shemra. Ajo ka qenë e para që i ka bërë konak projektit “Beethoven 32×32” i konceptuar si 32 sonata të krijuesit emërmadh në 32 qytete të ndryshme.

 

Humbja e të dëgjuarit mund të jetë traumatike për këdo, por për një muzikant ky kërcënim ekzistencial është sikur “të jesh apo të mos jesh”. Por ashtu siç ishte zotuar në “testamentin” e Heiligenstadtit, Beethoven gjeti forcën që dëshpërimin ta zëvendësonte me pasion krijues që zbuloi rrugë unike në kompozim e stil muzikor. Prej tyre u pasurua tapisteria e muzikës klasike botërore. Me tri sonatat që u kompozuan më 1803, mjeshtri gjerman përcolli mesazhin e kolektives, përbashkësisë, ashtu siç ishte edhe vargu i Schillerit se në gëzim: “Alle Menschen werden Brüder” (Të gjithë njerëzit bëhen vëllezër)

Prishtinës mund t’i buzëqesh ndonjëherë fati më bukur se qyteteve shemra. Ajo ka qenë e para që i ka bërë konak projektit “Beethoven 32×32” i konceptuar si 32 sonata të krijuesit emërmadh në 32 qytete të ndryshme.

Bëhet fjalë për një sipërmarrje pasionante të pianistit dhe dirigjentit nga Austria, Stephan Möller. Çfarë mund të jetë antidoti më i mirë për kriza nevralgjike e mendime vetëvrasëse sesa vullnesa për të krijuar?