Kulturë

Kritika e krahason “Galaktikën e Andromedës” me fitues të “Oscarit”

Kritika e krahason “Galaktikën e Andromedës” me fitues të “Oscarit”
Synaj Raça në rolin e Shpëtimit, në filmin “Galaktika e Andromedës”
 

Filmi debutues i metrazhit të gjatë i More Raçës, “Galaktika e Andromedës”, është duke u shfaqur në Itali, në kuadër të edicionit të 32-të të “Trieste Film Festival”, ku garon në kategorinë kryesore. Kritika e krahason me filmat e kohës së neorealizmit italian, me kryeveprën ‘Vjedhësit e biçikletave’ të Vittorio de Sicas, fitues i “Oscarit”

Përfshirja e filmit “Galaktika e Andromedës” në konkurrencën zyrtare të Festivalit të Filmit në Trieste ka pasuar me një varg kritikash pozitive. Në festivalin që njihet si vendtakimi më i rëndësishëm i kineastëve italianë, vëmendjen e mediave e ka marrë regjisorja e Kosovës, More Raça, për të cilën është thënë se është një ndër regjisoret që duhet ndjekur, me arsyetim se për punën e saj do të flitet shumë edhe në të ardhmen.