Kulturë

Gjashtëshja debutuese nga “Neo_School” dëshmon talent e kreativitet

Gjashtëshja debutuese nga “Neo_School” dëshmon talent e kreativitet
Me gjashtë filma dokumentarë ka rezultuar platforma njëmujore “Neo_School” për të rinjtë e talentuar

Një rrëfim i shtrirë dhe përthyer në gra të martuara në vitin 1958, 1991 e më vonë, si dhe femra të tjera të pamartuara ka sjellë të pathënat e një mendësie shoqërore në evoluim. “Ishim si macja në thes”, ka treguar më e moshuara prej tyre që ishte martuar këtu e 62 vjet më parë në një katund të Lipjanit.

Filmi i shkurtër dokumentar “Gojë ka, gojë s’ka”, i filmbërëses së re Valmira Rashiti, ka marrë duartrokitje të përzemërta nga publiku i ri që kishte zënë vend të mërkurën mbrëma në sallën e “Kino Armatës”.