Kulturë

“Zgjimi i pranverës” vlerësohet për regji e estetikë bashkëkohore

“Zgjimi i pranverës” vlerësohet për regji e estetikë bashkëkohore

Kishte qenë ndër të parat premiera teatrore në vend që pandemia e kishte bërë të pamundur. Më 12 qershor të këtij viti, bash në 21-vjetorin e çlirimit të Prishtinës, “Zgjimi i pranverës”, nën regji të Zana Hoxhës, ishte inskenuar pa praninë e publikut. Drama e gjermanit Frank Wedekind, e cila kishte përjetuar disa herë gërshërët e censurës që prej vitit 1906, në Prishtinë u dha si “ilegalisht”, meqë teatrot e kinematë ishin të mbyllura.

Por e mërkura ishte ditë e veçantë për ekipin e shfaqjes së Teatrit Kombëtar të Kosovës dhe Qendrës “Artpolis”. Në Festivalin Ndërkombëtar të Teatrit në Shkup ajo mori çmimin “Grand Prix”.