Kulturë

Adem Mikullovci – artisti i rrugëtimit të Kosovës

Adem Mikullovci – artisti i rrugëtimit të Kosovës
Foto: Driton Paçarada/ Ilustrim

Tek po ecte nëpër Korzo, kishte nisur të binte shi. Kështu i ishte shtuar edhe një arsye që ta ndalte hapin. Do të futej në Teatrin e Mitrovicës. Po fillonte shfaqja “Vraga” e atij që asokohe ishte Teatri Popullor Krahinor, tash Teatri Kombëtar i Kosovës. Kjo shfaqje do t’ia “këpuste” gjunjët të riut Adem Mikullovci. Do të ndikonte që ai t’i futej botës së teatrit.

“Ishte shfaqja e parë profesioniste që e pashë. Jam ulur në qoshe dhe kam qarë. E përjetova shumë. Nga ai moment kam thënë se unë do të bëhem aktor”, do të rrëfente ai për gazetën në dhjetorin e vitit 2014. Karriera e tij, që shtrihet në më shumë se pesë dekada, ka rrëfime të shumta, raporton KOHA.