Kulturë

Tragjedia e supermodelës më të madhe të artit

Tragjedia e supermodelës më të madhe të artit
Fotolegjenda: “Ophelia” nga John Everett Millais (1851-2) është një nga pikturat më të njohura të lëvizjes para-rafaelite - modelistja ishte Siddali (Fotografia: koleksion privat)

Në dimrin e viteve 1849-1850, artistët Dante Gabriel Rossetti dhe William Holman Hunt po pikturonin së bashku, kur miku i tyre Walter Howell Deverell hyri në studio. Vizitori thirri i ngazëllyer, “Miq nuk mund ta merrni me mend se çfarë alamet krijese të bukur kam gjetur…ajo është posi mbretëreshë, madhështisht e gjatë”. Me këto fjalë, bukuria e pabesueshme e Elizabeth Siddalit nisi të bëjë histori.

Sot, fare pak njerëz e kujtojnë artistin Deverell – i cili vdiq nga sëmundja e veshkave në moshën 27-vjeçare – por ai ishte një anëtar vibrant i grupit të artistëve dhe shkrimtarëve që vërtiteshin rreth të sapoformuarës Vëllazëri para-rafaelite. Kjo shoqëri sekrete po ashtu ngërthente modele, artiste dhe shkrimtare. “Lizzie” Siddal filloi si modele, paskëtaj mësoi të pikturonte dhe shkroi edhe poezi, transmeton KOHA shkrimin e BBC.