Kulturë

“Strehimorja e artit” nis të marrë formë

“Strehimorja e artit” nis të marrë formë
Edhe në 41-vjetorin e themelimit, GKK nuk e ka të zgjidhur ende problemin e ruajtjes së koleksionit të saj prej 908 veprash. Por, “Strehimorja e Artit” – për të cilën kanë filluar punimet – është vlerësuar si një fillim i mbarë i zgjidhjes së problemit të hapësirave të nevojshme për koleksionin e saj (Foto: Komuna e Prishtinës)

Për vite me radhë, ato janë mbajtur në “errësirën” e depos së Galerisë Kombëtare të Kosovës. I konsideruar si një nga thesaret më të mëdha në vend – me vepra edhe të Andy Warhol, Cy Twombly, Henry Moore, Victor Vasarely etj – fondi nuk ka pasur mundësinë t’i shpalosej publikut në mënyrë të përhershme.

Por, fillimi i punimeve për rivitalizimin e Strehimores së Artit duket se do të jetë njëfarë zgjidhje për këtë problem. Të enjten, Komuna e Prishtinës ka njoftuar për fillimin e punimeve në projektin që e shndërron objektin njëkatësh në rrugën “Enver Maloku” në “Strehimore të artit”.