Kapelat unike që thurin kujtime, traditë e modë

Ideja për të bërë rroba të veçanta për vajzën e vet, e kanë shtyrë Vita Abrashi-Kajtazin që të nisë me prodhimin e kapelave. Madje, e kishte nisur këtë qëkur ka qenë shtatzënë me vajzën e saj Odetën, që tash i ka mbushur dy vjet.

Kapelat e saj unike janë mishërim i traditës së përcjellë nga gjyshet e saj me shkollimin mbi modën. Të qëndisura me detaje të luleve e të kafshëve, ato tashmë janë kthyer në brend nën emrin “Kësula”.

Në bisedën për KOHËN, Abrashi-Kajtazi shpjegon gjithë procesin e punës, bashkë me materialet që i përdor për prodhimin e punëdoreve.

Duke qenë se “krijimtaria e saj bazohet në nevojat e saj”, Abrashi-Kajtazi po e mendon të nisë me prodhimin e një serie të maskave, të nevojshme këto ditë për t’u mbrojtur nga përhapja e pandemisë me koronavirus. E ndërkohë, koleksionin e pranverës me kapela ajo po e bën për të mos e shitur, por për ta ruajtur si “kujtim karantine”.

Pasioni i shndërruar në brend

Vita Abrashi-Kajtazi kthehet mbrapa në kohë për të treguar se si nisi gjithçka me kapelat e pambukut, që tashmë janë kthyer në brend.

Edhe SOT 1 kor 2025 Piktorja që synon ta ekspozojë traditën shqiptare në galeritë e Evropës

“Qëkur isha shtatzënë fillova të blija rroba për vajzën time. Në Prishtinë nuk është se kam gjetur shumë zgjidhje. Ndoshta kjo është për shkak të shijes sime”, thotë Abrashi-Kajtazi, që tregon se më shumë e preferon stilin klasik të inkorporuar me atë të rehatshëm.

“Besoj që shija ime qëndron diku nga stili minimal. E kur vjen puna te fëmijët mendoj që duhet të vishen me rroba të rehatshme, e këtyre rrobave do të duhej gjithnjë t’iu bashkëngjitej një kapelë prej pambuku”, thotë Abrashi-Kajtazi... (Artikullin e plotë mund ta lexoni në Koha Ditore. Klikoni këtu për t’u regjistruar falas)