Mbishkrimet e varreve osmane në Kosovë lidhin historinë pesëshekullore

Mbishkrimet e varreve osmane në Kosovë lidhin historinë pesëshekullore

Salih Mehmeti Salih Mehmeti 24 January 2020 12:06

Mbi dyqind mbishkrime të gurëve të varreve në rajonet e Prishtinës dhe Mitrovicës tash e tutje do të jenë të gatshëm për llupën e studiuesve, shkruan sot Koha Ditore.

Të shkruara kryesisht në osmanisht, me kaligrafi të tipit xheli divan, me forma herë të çallmave e herë të fezëve, me kushtime fetare në gjuhën arabe, mbishkrimet gurëvarrore janë përmbledhur në dy vëllime. Në rreth treqind faqe janë paraqitur fotografitë e varreve, mbishkrimet e tyre në origjinal, transkriptimi dhe përkthimin në gjuhën shqipe.

Botime të Fakultetit të Studimeve Islame, vëllimi i parë “Epitafet në gjuhën osmane - deshifrimi dhe përkthimi i tyre, regjioni i Prishtinës” dhe ai i dytë “Epitafet në gjuhën osmane, deshifrimi dhe përkthimi i tyre, regjioni i Mitrovicës” janë vlerësuar si hapi i parë në projektin që gjatë viteve të ardhshme do të përfshijë edhe rajonet e tjera të vendit.

Në mesditën e së enjtes, këto dy vëllime të mbështetura nga Instituti “Yunus Emre” janë promovuar në mjediset e Bibliotekës Kombëtare të Kosovës “Pjetër Bogdani”.

(Artikullin e plotë mund ta lexoni sot në gazetën “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme