Kulturë

“Kosovo - Thin Ice” midis imazheve që ngjallin kujtimet për luftën

“Kosovo - Thin Ice” midis imazheve që ngjallin kujtimet për luftën

Prishtinë, 6 dhjetor – Është një nga ato fotografitë e rralla që e paraqet Pejën nën rrënoja, e cila i ngjan një qyteti fantazmash. Për fotografinë e shkrepur disa ditë pas hyrjes së trupave të NATO-s në këtë qytet, fotografi italian Riccardo Venturi njëzet vjet më vonë në Bibliotekën Kombëtare të Kosovës “Pjetër Bogdani” ka shpjeguar gjithë durim përvojën e tij prej fotoreporteri gjatë luftës së fundit.

Fëmijë të hipur mbi një tanks të shkatërruar, nëna që qanin për familjarët e vrarë, shtëpi të djegura ishin disa prej fotografive të realizuara në kohën kur flakët e luftës kishin përfshirë vendin cep më cep, shkruan sot Koha Ditore.