Kulturë

“Jashtë bie borë” çel siparin e Festivalit Teatror “Skampa 21” në Elbasan

“Jashtë bie borë” çel siparin e Festivalit Teatror “Skampa 21” në Elbasan

Tiranë, 11 tetor - Tre artistët nga Tetova kanë interpretuar me mjaft profesionalizëm psiko-dramën “Jashtë bie borë”, e cila përmes komikes përpiqet të pasqyrojë jetën e përditshme ose realitetin ku jetojmë, marrëdhëniet familjare , veçanërisht në një kohë kur emigracioni është thuajse në kulmin e tij dhe të gjithë kanë dikë në shtëpi, për të cilin duhet të kujdesen.

Artëdashësit elbasanas kishin mbushur plot sallën e teatrit, ku nuk ka munguar edhe pjesëmarrja e kreut të bashkisë së Elbasan Gledian Llatja, i cili ka përshëndetur këtë event të kthyer tashmë në traditë në “ Skampa”.