Kulturë

Menekshe, veprimtari që hapi një kapitull të ri për romët

Menekshe, veprimtari që hapi një kapitull të ri për romët

Prizren, 18 shtator – Dramaturgu, gazetari, arsimtari dhe aktivisti i shquar rom, Nexhip Menekshe, që ndërroi jetë gjatë fundjavës, është përkujtuar të martën në sallën ku me vite të tëra kishte realizuar shfaqje të ndryshme në gjuhën rome.

Kësaj here bashkë me to është vlerësuar vepra e tij jetësore në shërbim të komunitetit rom, por edhe fuqizimit të bashkëjetesës në Prizren. Përfaqësues institucionalë kanë thënë se Prizreni e humbi një lule që ka pasuruar qytetin e moçëm, familjarët kanë vlerësuar energjinë e tij të shpenzuar për të mirën e romëve dhe të tjerëve, teksa miqtë e bashkëpunëtorët kanë pohuar se ai me kohanikët e vet kanë kontribuar në krijimin e një gjenerate të re të romëve me më shumë mundësi për edukim e përparim, shkruan sot Koha Ditore.