Kartolinat si sensacion para 150 vjetëve

Kartolinat si sensacion para 150 vjetëve

22 August 2019 13:53

Një ekspozitë e re në Muzeun e Komunikimit në Berlin po feston 150 vjet histori të kartolinave. Këtu tregohet sesi gjermanët entuziastë e kanë adoptuar këtë medium për të shpërndarë lajme të rëndësishme dhe thashethemet e fundit.

Kartolina më e vjetër në botë që njihet ishte dërguar në vitin 1840, shumë vjet para se formati të bëhej zyrtar nga austriakët në vitin 1869, 150 vjet me parë.

Kartolina e pikturuar me dorë që ngjalli të qeshura në mesin e postierëve i ishte dërguar shkrimtarit të quajtur Theodore Hook. Pasi që ai njihej për shakatë që bënte, besohet se ai në fakt ia kishte dërguar vetes.

Në koleksion e viti 2002, pak kohë pasi që kartolina ishte zbuluar në një koleksion pullash postare, ajo ishte shitur në një ankand për një shumë rekord, 35 mijë euro.

Ekspozita “Më shumë se fjalë. Festimi i 150 vjetëve histori të kartolinave”, e cila është hapur më 21 gusht 2019 dhe do të qëndrojë e hapur deri më 5 janar 2020 në Muzeun e Komunikimit në Berlin, fokusohet në 150 vjet histori të kartolinave në shtetet gjermanfolëse, shkruan “Koha Ditore”.

Heinrich von Stephan, i cili më vonë do të bëhej themelues i atij muzeu, ishte një ithtar i hershëm i këtij formati. Reformatori postar gjerman kishte propozuar në Konferencën Postare Austro-Gjermane në vitin 1865 që të krijonte të ashtuquajturën “Postblatt”. Ideja e tij sidoqoftë ishte refuzuar.

Ishin autoritetet Austro-Hungareze të cilat e patën adoptuar konceptin në fillim; “Kartolina korrespondente” e Qeverisë ishte prezantuar në vitin 1869, duke shënuar kështu fillimin zyrtar të një forme të re të komunikimit.

Në vitin 1872 taksa për të dërguar një kartolinë në Gjermani ishte gjysmë më pak se për një letër normale, çfarë ka kontribuar në popullaritetin e kartolinës? Ishte po ashtu e mundshme që të paguash edhe një kartolinë të dytë që ishte kartolina për kthimin e përgjigjes, prandaj u kthye në një format i cili u bë shumë shpejt i njohur për dërgimin e përshëndetjeve të shkurtra dhe për caktimin e takimeve, sikur sot mesazhet.

Sikur sot që njerëzit shpërndajnë përshtypjet në Instagram e Facebook, kartolinat me fotografi shekullin e kaluar mbulonin udhëtime, pushime, dasma dhe një numër të temave njëlloj si emocionet për zhvillimet e fundit teknologjike dhe fatkeqësitë natyrore.

Fondacioni i Muzeut përmban një nga koleksionet me të mëdha gjermane të kartolinave dhe ekspozita prezanton një përzgjedhje të mbi 500 kartolinave që shfaqin sesi shoqëria ishte në atë kohë.

Ekspozita mbulon sesi mediumi ka lulëzuar nga viti 1895 deri në 1914 dhe shikon popullaritetin e kartolinave për të dhënë lajme nga ushtarët gjatë luftës. Ekspozita po ashtu eksploron sesi kartolinat kanë bartur propagandë antisemitike, edhe para se nazistët të vinin në pushtet, po ashtu edhe sesi posta ishte rregulluar në kampe të përqendrimit.

Në Gjermaninë e ndarë kartolinat transmetonin perspektiva të ndryshme nga Lindja në Perëndim. Një shembull i siguruar nga ekspozita tregon Murin e Berlinit, të dukshëm nga “Brandenburg Gate” (Porta e Branderburgut), në kartolinën që tregon peizazhin e Berlinit Perëndimor, derisa versioni i Berlinit Lindor transformon tokën e dikurshme të askujt drejt një hapësire të gjelbër e me qershia.

Pastaj, pas rënies së Murit të Berlinit, kartolinat që përmbanin një pjesë të vogël të murit u kthyen në diçka klasike.

© KOHA. Të gjitha të drejtat janë të rezervuara.

Komentet

Shto koment

Të ngjashme