Kulturë

Dy anët e Prizrenit dhe ardhja e botës në Kosovë përmes filmave

Dy anët e Prizrenit dhe ardhja e botës në Kosovë përmes filmave

Mëngjesi i së dielës në Prizren pas “DokuFestit” ishte i qetë. Rreth 20 mijë vizitorë sipas organizatorëve e kanë frekuentuar qytetin gjatë edicionit të 18-të të mbajtur nga 2 deri më 10 gusht. Pas ndarjes së çmimeve të shtunën, mysafirët e shumtë të Festivalit janë bërë gati dhe janë larguar në vendet nga kanë ardhur, shkruan sot “Koha Ditore”.

Mëngjesi i së dielës ka zënë shumë pak nga këta mysafirë dhe vizitorë të Festivalit në Prizren. Samita Tharoor ka qenë një nga ndjekëset e edicionit të 18-të. Ajo kishte ardhur në Prizren për të parë filma dhe ishte shoqëruar nga bashkëshorti i saj dhe i biri.