Kulturë

Filarmonia dhe dy pianistet zbërthejnë Mozartin e Beethovenin

Filarmonia dhe dy pianistet zbërthejnë Mozartin e Beethovenin

Një kombinim mjeshtëror të kryeveprave me nxjerrjen në pah të solistëve ka bërë Filarmonia e Kosovës në koncertin që ka ardhur si bashkëpunim me festivalin ndërkombëtar “DAM” në natën e parafundit të tij.

“Koncert për piano dhe orkestër nr. 20 në D-mol” e kompozitorit gjenial Wolfgang Amadeus Mozart e kompozuar në 1875 dhe performuar për të parën herë në shkurt të atij viti në Vjenë, nga vetë kompozitori, qe vepra me të cilën u hap koncerti i së shtunës mbrëma në Sallën e Kuqe. Nën dirigjimin e dirigjentit polak, Szymon Makowski, kryepersonazhe e kësaj vepre qe pianistja gjermane Olga Zadon, soliste e koncertit, ashtu sikurse Kristel Karagjozi nga Shqipëria, fituese e çmimit “Pianisti i Ri 2018”, shkruan sot “Koha Ditore”.