Kulturë

“55 shades of gay” pas New Yorkut edhe në Bernë

“55 shades of gay” pas New Yorkut edhe në Bernë

Shfaqja “55 shades of gay” brenda muajit mars do të jepet prapë jashtë Kosovës. Pasi është dhënë tetë herë nga dita e 7-të deri më 17 mars në “Ellen Stewart Theatre” të klubit teatror “La MaMa” në New York, rrëfimi do të shpaloset edhe në Bernë të Zvicrës.

Më 28, 29 dhe 30 mars, produksioni teatror i qendrës “Multimedia”, me tekst të dramaturgut Jeton Neziraj e regji të Blerta Rrustemi-Nezirajt, do të jepet në teatrin “Schlachthaus”, shkruan sot “Koha Ditore”. Sipas njoftimit të “Multimedias”, në mars, pas përfundimit të shfaqjes po në këtë teatër do të mbahet edhe një koncert i këngëtares Edona Reshitaj.