Zjarri përfshin disa vetura në Prizren, jep detaje policia

Sot, disa vetura janë përfshirë nga zjarri në një punishte në Prizren.

Lajmin e ka konfirmuar zëdhënësi i Policisë për Rajonin e Prizrenit, Shaqir Bytyqi, i cili tha se, pesë vetura të përfshira nga zjarri janë dëmtuar.

Ai tha se gjatë ditës së sotme, rreth orës 13:00 Policia e Kosovës është informuar për një zjarr të shkaktuar në fshatin Vlashnje të komunës së Prizrenit.

Sipas tij, organet e rendit kanë dal në vendngjarje, ku vetëm pas intervenimit të zjarrfikësve është shuar zjarri.

Bytyqi tha se Policia ka identifikuar personin e dyshuar për kryerjen e veprës penale “Shkaktim i rrezikut të përgjithshëm”, në bashkëpunim me prokurorin kujdestar.

I dyshuari në fjalë është liruar në procedurë të rregull pas intervistimit, ndërsa rasti mbetet nën hetim.