Një 54-vjeçar është vrarë në fshatin Tërbovc të Lipjan.
Zëdhënësja e Policisë rajonale të Prishtinës, Flora Ahmeti, ka konfirmuar për KTV-në, se policia rreth orës 13:00 është njoftuar për vrasjen e një personi në Lipjan.
“Me të dalë në vendin e ngjarjes policia ka konstatuar se ka të bëjë me vrasje, ku viktima: M.G. 54 vjeç, nuk ka mundur t’u përballojë plagëve të marra. Personi i dyshuar është identifikuar dhe po kërkohet nga policia”, ka thënë Ahmeti për KTV.
Ajo tha se policia ka nisur hetimet në lidhje me këtë vrasje.
Koha.net merr vesh se i dyshuari që po kërkohet nga policia është vëllai i viktimës.
