Një vrasje ka ndodhur në Malishevë mëngjesin e së premtes, ku nipi ka vrarë axhën e tij.
I dyshuari i moshës 38-vjeçare është arrestuar, ka thënë policia.
Policia ka konfirmuar se rreth orës 10:00 është informuar për rastin që ka ndodhur në Kijevë të Malishevës.
Dyshimet e para janë se vrasja ka ndodhur për çështje pronësore.
“Sot rreth orës 09:50 është raportuar për një rast vrasje në fshatin Kijevë-Malishevë. Në vendin e ngjarjes, menjëherë kanë dalë njësitet e nevojshme policore ku është gjetur një person mashkull (i moshës madhore dyshohej pa shenja jete). Vdekjen e tij e ka konstatuar ekipi mjekësor në vendin e ngjarjes. Lidhur me rastin është arrestuar një i dyshuar, mashkull i moshës madhore. Rrjedha e mëtejme hetimore është duke vazhduar në koordinim me prokurorin e shtetit në drejtim të veprës penale të vrasjes”, ka thënë për KOHËN policia e rajonit të Gjakovës.
-
Themelorja në rigjykim dënon me gati 20 vjet burgim nipin që vrau axhën në Malishevë
-
Një person gjendet pa shenja jete në banesën e tij në Fushë-Kosovë
-
Vritet 27-vjeçari dhe plagoset babai i tij pas një përleshjeje mes dy familjeve në Prizren
-
Arrestohet i dyshuari për sulm me armë ndaj një autobusi në Pagarushë të Malishevës
-
Një i moshuar gjendet i vdekur në banesën e tij në Gjakovë