Një person ka vdekur të mërkurën në Obiliq pasi ka rënë në kontakt me rrymën.
Viktima qe dërguar fillimisht në QKUK, por ekipi mjekësor ka konstatuar aty vdekjen e tij.
“Raportohet se viktima mashkull kosovar, derisa ka qenë duke punuar afër mikserit të betonit, dyshohet se ka pasur kontakt me rrymën. Si pasojë i njëjti ka pësuar lëndime trupore dhe është dërguar në QKUK, mirëpo nga stafi shëndetësor është konstatuar se i njëjti është pa shenja jete. Me vendim të prokurorit, trupi i pajetë u është liruar familjarëve”, thuhet në raportin e PK-së.