Vdiq në aksident trafiku në Gjermani 23-vjeçari nga Kosova

Një 23-vjeçar nga Mitrovica i cili jetonte në Gjermani, ka vdekur si pasojë e një aksidenti trafiku që ka pësuar në një autostradë atje, në orët e para të së dielës.

Mediat gjermane kanë raportuar se i riu, ishte banor i Regensburgut, dhe se viktima kishte humbur kontrollin e makinës së tij, për arsye që ende nuk dihen.

Sipas raportimeve, i riu ka vdekur në vendin e ngjarjes, pasi trupi i tij kishte dalë nga makina në momentin e aksidentit tragjik.

Sipas Policisë së Pfalzit , i riu nuk mbante rrip sigurimi në momentin e aksidentit, ndërkohë që bashkë me të në veturë ishte edhe një person tjetër, i cili ka pësuar lëndime trupore.

Mediat gjermane nuk e kanë bërë të ditur identitetin e viktimës mirëpo lajmin se 23-vjeçari i aksidentuar është nga Kosova e ka konfirmuar edhe vetë familja e tij, përmes një statusi në Facebook.