Prokuroria Themelore në Ferizaj ka njoftuar se të mërkurën ishte gjetur në autostradën Ferizaj – Prishtinë, trupi i pajetë i shtetases ukrainase O.K.
Prokuroria ka thënë se rasti është duke u hetuar në drejtim të veprës penale “aksident trafiku" me fatalitet.
Trupi i shtetases së huaj është dërguar për obduksion në IML.
“Prokuroria Themelore në Ferizaj, njofton opinionin publik se më 21.02.2024, në autostradën Ferizaj-Prishtinë, rreth orës 19:30, është gjetur pa shenja jete një person-shtetase e huaj (ukrainase) me iniciale O.K. Hetuesit Rajonal të Policisë së Kosovës në koordinim me Prokurorin e Shtetit kanë dalë në vendin e ngjarjes dhe nga ekipi mjekësor është konstatuar vdekja e saj. Prokuroria me të gjitha institucionet tjera relevante janë duke punuar për zbardhjen e rrethanave të kësaj vdekjeje, dhe rasti është duke u hetuar në drejtim të veprës penale “Aksident trafiku” me fatalitet. Me urdhër të Prokurorit të Shtetit, trupi i pajetë i viktimës është dërguar për obduksion në Institutin e Mjekësisë Ligjore (IML) në Prishtinë”, u njoftua nga Prokuroria.
-
Gjendet e vdekur një shtetase e huaj në autostradën “Arbën Xhaferi”
-
Vdekje e dyshimtë në Ferizaj, në trupin e viktimës dyshohet për shenja dhune
-
Vdiq një person pasi u godit nga vetura në rrugën Ferizaj – Prishtinë
-
Një person gjendet i vdekur në rrugë në Prishtinë
-
Policia po i heton dy raste të vdekjeve që kanë ndodhur në 24-orët e fundit