Tre burra janë arrestuar të martën në Prishtinë, pasi dyshohet se janë rrahur mes vete si pasojë e një kontesti pronësor. Sipas njoftimit të Policisë të dyshuarit kishin pësuar lëndime trupore dhe për këtë u është ofruar tretman mjekësor.
Rasti ka ndodhur në rrugën “Ndue Përlleshi”. “Janë arrestuar tre të dyshuar meshkuj kosovarë pasi të njëjtit si pasojë e një kontesti pronësor, ishin përleshur fizikisht në mes veti. Si pasojë e përleshjes të dyshuarit kanë pësuar lëndime trupore, për çka u është ofruar tretmani mjekësor. Me vendim të prokurorit të dyshuarit janë dërguar në mbajtje”, thuhet në njoftimin e Policisë.
