Tre persona janë arrestuar në Gjilan të shtunën, dy prej të cilëve dyshohen se kanë sulmuar personin e tretë, i cili është mjek.
Siç raportoi Policia në raportin e së dielës, mjeku është arrestuar për veprën penale “trajtim i pandërgjegjshëm mjekësor”, ndërsa më pas ka pranuar trajtimin mjekësor.
Të arrestuarit janë dërguar në mbajtje.
Rasti është iniciuar si sulm ndaj personit zyrtar dhe trajtim i pandërgjegjshëm mjekësor.
“Janë arrestuar tre të dyshuar kosovarë, dy prej tyre pasi që kanë sulmuar fizikisht të dyshuarin e tretë i cili është mjek, të cilit i kanë shkaktuar lëndime. I dyshuari i tretë është arrestuar për shkak të dyshimit se ka kryer veprën ‘trajtim i pandërgjegjshëm mjekësor’ dhe për shkak të sulmit ka pranuar tretman mjekësor. Me vendim të prokurorit, të dyshuarit pas intervistimit janë dërguar në mbajtje”, thuhet në njoftim.
