Seanca ndaj ministres Hajdari mbahet e mbyllur

Të hënën ka nisur seanca e radhës mbi rastin e aksidentimit me veturë të të miturës nga ministrja e Industrisë, Ndërmarrësisë dhe Tregtisë, Rozeta Hajdari.

Mbrojtja e ministres ka kërkuar që seanca të jetë e mbyllur duke u thirrur në të drejtat e të miturve, e kjo u pranua nga gjykatësi Shaqir Mazreku.

Hajdari kishte shkaktuar aksident me veturë prillin e 2022-s, ku kishte mbetur e lënduar një e mitur.

Pasi kishte folur për rastin, ministrja ishte shprehur se fëmija ishte përplasur me veturën e saj.