Një shtetas i huaj është raportuar i zhdukur në Fushë-Kosovë gjatë së martës (dje), ndërsa për rastin po zhvillohen hetime nga autoritetet përkatëse.
Sipas raportit 24-orësh të Policisë, më 10 shkurt, një mashkull shtetas i huaj ka paraqitur rastin në polici, duke deklaruar se nuk dihet vendndodhja e familjarit të tij, po ashtu shtetas i huaj.
Personi rezulton i zhdukur që nga data 8 gusht 2023.
Policia ka bërë të ditur se njësitë relevante janë angazhuar për ndërmarrjen e veprimeve të nevojshme hetimore me qëllim zbardhjen e rastit.