Dy persona janë raportuar të zhdukur gjatë 24 orëve të fundit në Policinë e Kosovës.
Njëri rast thuhet se ka ndodhur në Lipjan, ku një burrë është raportuar i zhdukur.
Ai thuhet se ka dalë nga shtëpia mëngjesin e 27 majit. “Ankuesi mashkull kosovar ka raportuar se viktima mashkull kosovar është larguar nga shtëpia dhe nuk di për vend ndodhjen e tij”, thuhet në raportin 24 orësh.
Kurse rasti tjetër ka ndodhur në Gjakovë ku e zhdukur është raportuar një grua.
Ajo thuhet se ka dalë nga shtëpia të mërkurën para mesnatës. “Ankuesi mashkull kosovar ka raportuar se viktima femër kosovare është larguar nga shtëpia dhe nuk di për vend ndodhjen e saj”, thuhet në raportin policor.
Të dy rastet thuhet se janë duke u hetuar.
