Policia e Kosovës ka sekuestruar dy armë zjarri nga i njëjti aheng familjar të enjten në Prizren.
Sipas njoftimit, policia është lajmëruar rreth orës 10:22 se në një aheng familjar në këtë qytet ka të shtëna me armë.
Me të arritur në vendngjarje, është hasur një person me armë në brez. Arma është sekuestruar ndërkaq i dyshuari është dërguar për intervistim.
Ndërkohë, rreth orës 15:30 është raportuar sërish për gjuajtje me armë zjarri, nga i njëjti aheng.
“Në të njëjtin gazmend familjar me vone rreth orës 15:30 përsëri është marr informacion se ka gjuajtje me armë zjarri. Policia përsëri ka shkuar në vend ngjarje, aty ka identifikuar një të dyshimtë dhe është gjet një armë-pistoletë. Arma është sekuestruar dhe i dyshimti me urdhër të prokurori është ndaluar për 48 orë”, thuhet në njoftimin e Policisë.
