Policia e Kosovës ka njoftuar se është arrestuar i dyshuari mashkull kosovar në fshatin Muzhevin të Istog pasi që dyshohet se i njëjti ka shtënë me armë zjarri dhe se në momentin kur policët kanë hyrë në oborrin e shtëpisë, i dyshuari armën e ka pasur në dorë, por pas komandave të policisë e ka lëshuar atë.
Arma dhe 21 fishekë janë sekuestruar për procedura të mëtutjeshme hetimore.
Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje.
