Njësiti i hetimeve të Stacionit Policor në Shtime, në bashkëpunim me hetuesit e Stacionit policor Jugu në Prishtinë, kanë arrestuar sot në Prishtinë një person të dyshuar në lidhje me një rast të vjedhjes së rëndë, të ndodhur më dje (13.05.2019) në Shtime.
I dyshuari m/sh/k 17 vjeç, në bashkëpunim me dy persona të tjerë, kanë hyrë me forcë në një mishtore në Shtime dhe nga aty kanë vjedhur 700 euro.
“Gjatë intervistimit, në prani të mbrojtësit ligjor dhe punëtorit të Qendrës për Punë Sociale, i dyshuari i lartshënuar e ka pranuar në tërësi veprën e kryer. Me urdhër të prokurorit, të dyshuarit i është shqiptuar masa e ndalimit policor prej 24 orëve dhe i njëjti është dërguar në Qendrën e Mbajtjes në Ferizaj”, ka thënë Policia e Kosovës, raporton Koha.net.
Hetimet janë duke vazhduar në drejtim të kërkimit dhe arrestimit edhe të dy të dyshuarve tjerë të këtij grupi.
