Dy persona janë arrestuar dje në fshatin Stanofc të Epërm të Vushtrrisë me dyshimin se kanë sulmuar një tjetër për një kontest pronësor.
“Janë arrestuar dy të dyshuar meshkuj K/Shqiptarë, të cilët pas një mosmarrëveshje rreth një prone e kishin sulmuar viktimën mashkull K/Shqiptar, i cili si pasojë ka pësuar lëndime trupore dhe ka pranuar tretman mjekësor”, bën të ditur Policia e Kosovës përmes një komunikate për media.
Në vendin e ngjarjes kanë dalë njësitë policore, ku gjatë bastisjes në shtëpinë e të dyshuarve është gjetur dhe është konfiskuar një pistoletë pa fishek.
Pas intervistimit me urdhër të prokurorit, të dyshuarit janë liruar në procedurë të rregullt.
