Një vajzë në Capar të Gjilanit ka vdekur aksidentalisht të enjten në mesditë.
Siç merr vesh Koha.net, ajo ka vdekur si pasojë e kontaktit me rrymën.
Mësohet se viktima ishte e moshës 17-vjeçare.
Ndërkohë, kryetari i komunës së Gjilanit, Lutfi Haziri ka ngushëlluar familjen Ibrahimi me rastin e vdekjes tragjike të Mirlinda Ibrahimit
“E nderuara familje Ibrahimi, Me trishtim e mora lajmin për ndarjen nga jeta në mënyrë tragjike të vajzës suaj, Mirlindës. Kjo ngjarje e rëndë më ka shokuar mua dhe të gjithë qytetarët e Gjilanit. Si institucion i Komunës, do t’ju qëndrojmë prapa për çdo gjë dhe në çdo kohë”, ka shkruar ndër të tjera Haziri në telegramin e tij të ngushëllimit.
Artikuj të ngjashëm
