Policia ka iniciuar një rast në Prishtinë për “trajtim të pandërgjegjshëm mjekësor”.
Sipas raportit 24-orësh një burrë ka informuar se një familjar ka vdekur në një spital privat gjatë kohës sa ishte duke u trajtuar.
Njoftohet se ankuesi dyshon se vdekja ka ardhur si rezultat i trajtimit jo të duhur mjekësor.
Nuk është bërë e ditur për moshën e viktimës, ndërkaq rasti ka ndodhur me 31 gusht.
Bëhet e ditur se me vendim të prokurorit, trupi i pa jetë i viktimës është dërguar në obduksion.
