Një muaj paraburgim 54-vjeçarit që dyshohet për dhunimin e 13-vjeçares në Istog

Gjykata Themelore në Pejë të shtunën i ka caktuar një muaj paraburgim 54-vjeçarit T.P., i cili dyshohet për veprën penale “Dhunimi”.

I pandehuri dyshohet se ka dhunuar një 13-vjeçare në një fshat të Istogut.

Sipas njoftimit të Gjykatës, paraburgimi do të zgjasë deri më 28 shkurt.

 “Masa e paraburgimit është caktuar për shkak të dyshimit të bazuar se i pandehuri T.P. ka kryer veprën penale “Dhunimi”, nga neni 227 paragrafi 7 lidhur me paragrafin 1, si dhe lidhur me nenin 77 të Kodit Penal të Republikës së Kosovës, ndërsa paraburgimi është caktuar mbi bazën e kushteve ligjore të parapara me Kodin e Procedurës Penale të Republikës së Kosovës”, thuhet në njoftim.