Një person dyshohet se ka vdekur dhe një tjetër ka mbetur i lënduar rëndë në një aksident të ndodhur të martën në Llapashticë të Podujevës.
Shefi i Emergjencës në Podujevë, Arben Beqiri, ka thënë për KOHËN se i lënduari është dërguar për trajtim në Qendrën Klinike Universitare të Kosovës.
“Rasti ka ndodhur në fshatin Llapashticë të Podujevës. Një person ka qenë i vdekur dhe një tjetër i lënduar rëndë. I lënduari është transferuar në QKUK, në Prishtinë”, ka thënë ai.
Aksidenti ka ndodhur rreth orës 20:00, teksa të përfshira ishin dy vetura, ka njoftuar zëdhënësi i Policisë për rajonin e Prishtinës, Agron Borovci.
“Policia ka dalë në vendin e ngjarjes dhe po ndërmerr masat e nevojshme për lehtësimin e qarkullimit rrugor, si dhe ka nisur punën për hetimin e shkaqeve që kanë sjell deri tek aksidenti”, ka thënë ai.
-
Arrestohet i dyshuari për aksidentin në Podujevë ku humbi jetën një person
-
Vdiq një person pas aksidentit në Gërdoc të Podujevës
-
Vdiq personi i aksidentuar në Llugë të Podujevës
-
Të shtëna armësh në Llapashticë të Podujevës, një i vdekur
-
Vdiq një person nga aksidenti mes veturës e traktorit në Podujevë