Policia e Kosovës gjatë një bastisje në një shtëpi dhe objekte përcjellëse të premten në Ferizaj, ka gjetur një sasi narkotikësh, të hollash dhe armë, si dhe ka arrestuar një 33-vjeçar.
Sipas njoftimit të Policisë, gjatë kontrollit në shtëpi dhe në një pjesë të groposur në kopsht janë gjetur dhe konfiskuar 842.9 gramë kokainë, dy armë të shkurta - njëra me leje, 40 fishekë, një peshore digjitale, 19.288 euro, disa kartela bankare dhe dëshmi tjera që do të përdoren në procedura të mëtejme ligjore.
Personi i arrestuar Q.T., pas intervistimit, është dërguar në mbajtje për 48 orë.
“Ndaj tij është iniciuar rasti për përfshirje në veprat penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge dhe mbajtja në pronësi ose kontroll të paautorizuar të armës. Operacioni policor është realizuar nga Drejtoria për Hetimin e Trafikimit me Narkotik përkrahur nga zyrtarë policorë të Stacioni Policor-Ferizaj”, thuhet në njoftim.
-
Arrestohet për posedim të narkotikëve, i gjendet kokainë, barna e mbi 19 mijë euro
-
Kërkohet paraburgim ndaj dy të dyshuarve për shitblerje të rreth 5.5 kg narkotikë në Ferizaj
-
Konfiskohen 400 gramë marihuanë, kallashnikov dhe mbi 9 mijë euro në një shtëpi në Kaçanik
-
Tre të arrestuar në Ferizaj, sekuestrohet marihuanë, kokainë dhe mbi 1 mijë euro
-
Tri raste të shitblerjes së narkotikëve në 24 orët e fundit, një person në kërkim nga policia