Ngrihet aktakuzë ndaj dy zyrtarëve policorë të dyshuar për marrje ryshfeti

Prokuroria Themelore në Pejë ka ngritur aktakuzë ndaj dy zyrtarëve policorë, A.Sh. dhe S.K., të dyshuar për marrje ryshfeti. 

Sipas aktakuzës, të dyshuarit në cilësinë e zyrtarëve policorë të Njësitit të Trafikut në Pejë, më 20 prill të vitit 2025 thuhet se në fshatin Poterq të Klinës, ndaluan një veturë Golf 8 për shkak të tejkalimit të shpejtësisë dhe për të mos i shqiptuar gjobë i kërkuar të dëmtuarit 20 euro e më shumë që t’i dërgojë në pompën e derivateve në Pejë. Dëshmitari, punonjës i pompës së derivateve, më pas atë kartëmonedhë ia kishte dorëzuar zyrtarit policor A.Sh. 

“Me këto veprime ekziston dyshimi i bazuar mirë se të pandehurit  kanë përmbushur elementet e veprës penale të përshkruar si me lartë. Prokurori i çështjes me rastin e ngritjes se aktakuzës, i ka propozuar gjykatës që të pandehurit të shpallën fajtore dhe të dënohen sipas ligjit për veprën penale e  cila ju vihet në barrë. Po ashtu, prokurori i shteti me rastin e ngritjes se aktakuzës , ka propozuar gjykatës që të pandehurve t’ju shqiptohet edhe ndalimi i ushtrimit të profesionit”, thuhet nga Prokuroria Themelore e Pejës.