Është arrestuar një person në Pejë në mbrëmjen e të dielës, pasi dyshohet se ai nën ndikim të alkoolit ka sulmuar babanë dhe ka demoluar shtëpinë.
I dyshuari është dërguar në mbajtje.
“Pejë 28.11.2021 – 21:30. Viktima mashkull kosovar ka raportuar se djali i tij i kosovar në gjendje të dehur e ka sulmuar atë fizikisht dhe ka thyer disa gjëra në shtëpi. I dyshuari është arrestuar, dhe me urdhër të prokurorit është dërguar në mbajtje”, thuhet në raportin e Policisë.
Një rast i tjetër i sulmit ndaj prindërve është raportuar në Graçanicë të dielën.
Është arrestuar një person për sulm ndaj nënës.
“Graçanicë 28.11.2021 – 12:05. Është arrestuar i dyshuari mashkull kosovar, pasi që ka ushtuar dhunë ndaj nënës së tij viktimës kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raportin e Policisë.
