Dy persona kanë rënë në prangat e Policisë pasi tentuan të fusnin ilegalisht mallra të ndryshme në Kosovë në pikën kufitare në Bërnjak.
Policia ka njoftuar se ka ndaluar dy persona, N.T. dhe D.M., të cilët ishin në traktorin që po kontrabandonte mallra.
“Në traktor kishte të ngarkuar mallra të ndryshme: birra (104 arka X 20 shishe X 0.5 l = 1040 litra), raki rrushi (tri lloje, 15 pako X 6 l =90 litra), verë (15 pako X 6 l = 90 litra) dhe produkte kozmetike”, thuhet në njoftim.
Rasti vazhdon të trajtohet në procedurë të rregullt.
