Kanë rezultuar pozitivë analizat për helmimin e disa nxënësve nga fshati Shalë e Lipjanit, të cilët dyshoheshin që ishin helmuar në fillim të nëntorit të këtij viti.
Policia në raportin 24 orësh ka thënë se rasti po hetohet ende.
Nxënësit dyshohet se ishin helmuar si pasojë e konsumit të ushqimit në një “fast food”.
“Raportohet se me datë 06.11.2021 disa nxënës të shkollave të mesme dhe fillore dyshohet se janë helmuar si pasojë e konsumimi të ushqimit në një fast food. AVUK ka marrë mostrat dhe i ka dërguar për analiza. Më 29.12.2021 kanë arritur analizat e mostrat të cilat kanë rezultuar si pozitive . Me vendim të prokurorit rasti është duke u hetuar”, thuhet në raportin 24 orësh.
