Policia e Kosovës përmes një komunikate për media ka konfirmuar se ka arrestuar një person, i dyshuar për posedim të narkotikëve, përderisa thotë se ka konfiskuar 32 kilogramë marihuanë.
“Në përpjekjet e vazhdueshme të Policisë së Kosovës për parandalimin dhe luftimin e dukurive negative, në veçanti luftimin e trafikimit me narkotikë, njësitet e PK-së, konkretisht Drejtoria për Hetimin e Trafikimit me Narkotikë, me datën 28 qershor 2018, kanë arritur të arrestojnë një person të dyshuar, nën dyshimin për kryerjen e veprës penale ‘posedim i paautorizuar i narkotikëve të rrezikshëm dhe substancave psikotropike’, neni 275 , 281”, thuhet në komunikatë, transmeton Koha.net.
PK shton se, “personi i arrestuar lidhur me këtë rast është S. G. i lindur më 1976, shqiptar i Kosovës.
Operacioni policor është realizuar në rajonin e Gjilanit, me ç’rast, në konsultim me prokurorin, njësitet policore kanë kontrolluar disa lokacione të dyshuara, ku gjatë kontrollit të tyre tek i dyshuari është gjetur sasi e substancës narkotike e vendosur në dy çanta.
Njësiti i krim-teknikës ka bërë konfiskimin e sasisë së narkotikëve, ku pas testimit ka rezultuar të jetë marihuanë. Vlera e përgjithshme e marihuanës është 32500 gramë apo (32.5 kg).
Ndërsa në konsultim me kryeprokurorin e shtetit, në Ferizaj i dyshuari është arrestuar dhe është dërguar në mbajtje për 48 orë.
-
I gjenden në shtëpi mbi një kilogram substancë e dyshuar narkotike, arrestohet i dyshuari nga Gjilani
-
Po bartnin në shpinë afër 34 kg marihuanë, njëri arrestohet e tjetri arratiset
-
Konfiskohet një sasi narkotikësh në dy lokacione, arrestohet një i dyshuar
-
Konfiskohen mbi 35 kilogramë marihuanë në Gjakovë
-
Arrestohet një i dyshuar në Malishevë dhe i konfiskohen mbi 30 kg marihuanë