Zyrtarë policorë dhe doganorë të Malit të Zi thanë të martën se kanë kapur 18 kilogramë drogë në një makinë me targa të Shqipërisë në pikën kufitare Sukubinë – Muriqan.
Sipas një njoftimi të përbashkët të Drejtorisë së Policisë dhe Drejtorisë së Tatimeve të Malit të Zi, personi D.K. (26 vjeç) nga Shkodra, i cili po drejtonte makinën e tipit Mercedes Benz, u ndalua dhe dyshohet se tentoi të kontrabandonte marijuanë nga Shqipëria në Mal të Zi.
Droga gjendej në 35 paketime dhe ishte e fshehur në pjesë të ndryshme të makinës.
“D.K., i cili u arrestua pasi në makinën e tij u gjet droga, iu dorëzua zyrtarëve të policisë kufitare të Shqipërisë për procedim të mëtejshëm”, thuhet në njoftimin e policisë.
Policia malazeze në mënyrë të vazhdueshme ka bllokuar sasi të dukshme të drogës, të llojit marijuanë, e cila transportohet në format të ndryshme drejt Malit të Zi, raporton VoA.
Zonat kufitare mes Malit të Zi dhe Shqipërisë si Lumi Buna, Liqeni i Shkodrës, zona e Malësisë dhe ajo e Vermoshit konsiderohen si territore më të përshtatshme për trafikimin e lëndëve narkotike nga Shqipëria në drejtim të Malit të Zi dhe Evropës.
-
Mali i Zi sekuestron drogë dhe arreston një shtetas shqiptar
-
Ndalohen dy shtetas shqiptarë në Mal të Zi, tentuan të transportonin 300 kilogramë drogë
-
Kapet një shqiptar në Mal të Zi me 37 kg kokainë
-
24 të arrestuar në Mal të Zi për marihuanën që u nis nga Shqipëria për në BE
-
Kapet mbi 2 ton drogë në Malin e Zi në kamionin me targa shqiptare