Policia e Kosovës ka njoftuar se është duke hetuar vdekjen e një burri, të cilit thuhet se i është keqësuar gjendja në Aeroportin e Prishtinës të dielën pasdite.
Ai thuhet se është dërguar në Qendrën Klinike Universitare të Kosovës (QKUK) për trajtim, ku ka vdekur.
“Lidhur me rastin, viktimës mashkull kosovar pasi i ishin shfaqur probleme shëndetësore i njëjti është dërguar në QKUK ku më pas ka ndërruar jetë. Vdekjen e viktimës e ka konstatuar mjeku kompetent”, thuhet në raportin policor.
Me urdhër të prokurorit trupi i pajetë thuhet se është dërguar në Institutin e Mjekësisë Ligjore për obduksion.
Artikuj të ngjashëm
