Ish-deputeti Danush Ademi nga Unioni Republikan i Ashkalinjëve në Ferizaj, njëherësh kandidati për asamble komunale, është sulmuar në ditën e zgjedhjeve në fshatin Dubravë të Ferizajt.
Policia ka njoftuar se Ademi është sulmuar pas një mosmarrëveshjeje verbale.
“Me datën 12.10.2025, rreth orës 16:30 Fshati Dubravë, Komuna e Ferizajt Policia në Ferizaj ka shoqëruar në stacionin policor personin e dyshuar, mashkull kosovar, pasi i njëjti dyshohet se, pas një mosmarrëveshjeje verbale, ka sulmuar personin tjetër, ankuesin – mashkull kosovar”, ka thënë për KOHËN, zëdhënësi i Policisë për këtë rajon, Kanun Veseli.
Me urdhër të prokurorit të rastit, pas intervistimit, i dyshuari është liruar në procedurë të rregullt.
Rasti është cilësuar si "sulm".
Artikuj të ngjashëm
-
Arrestohet 41-vjeçari në Ferizaj pasi sulmoi fizikisht bashkëshorten
-
Arrestohet një i dyshuar në Ferizaj pasi rrahu babanë e ish-bashkëshortes
-
Zv.ministri Mehani thotë se Lushtaku e sulmoi fizikisht. Lushtaku thotë se e sulmuan qytetarët
-
Arrestohet në Ferizaj i dyshuari që goditi veturën e policisë dhe lëndoi dy zyrtarë
-
Sulmohet një police në Ferizaj, e dyshuara lirohet në procedurë të rregullt